hilitehead

Энэ шүлэг надад их таалагдлаа. Та нарт ч бас таалагдах байх гэж бодож байна.

Өлзийсайхан Болорцэцэг

Гуниг,шаналал цөхрөл зовлонгүй

Гоочилж намайг шоолох хүнгүй

Ганцаар тэнд амьдрахсан

Би зүгээр л төсөөлөлдөө амьдрахыг хүснэ

Толгой эргэтлээ асуудал бодолгүй

Таарсан хүмүүс намайг гаднаас дүгнэхгүй

Тайван тэнд ганцаар байхсан

Би зүгээр л төсөөлөлдөө аьдрахыг хүснэ

Хөөрөн баясах хүүхдийг ажаад л

Хөхөрч цэнхэртсэн тэнгэрийг ширтээд л

Хөөцөлдөж сүүдэртэйгээ ганцаар тоглохсон

Би зүгээр л төсөөлөлдөө амьдрахыг хүснэ

Шаналал нулимсгүй амьдарч

Шавайгаа ханатал наадаж

Шаналсан сэтгэлээ тэнд аргадахсан

Би зүгээр д төсөөлөлдөө амьдрахыг хүснэ

Үнэт зоосны нүхийг тэнд хааж

Үхэл хагацалгүй баясч

Үүрд мөнхийн жаргалыг тэнд үзэхсэн

Би зүгээр л ийм нэгэн төсөөлөл дунд амьдармаар байна.